bibliomontecarrasco

Información xeral da Biblioteca

Arquivo para a etiqueta “Club lectura”

Próximo encontro do Club de lectura O Faladoiro

No noso vindeiro encontro, o 24 de marzo, poremos en común a seguinte proposta de lectura, O neno do pixama a raias, de John Boyne, xa todo un clásico nos clubs de lectura.

Club de lectura O Faladoiro

Este curso iniciamos con moita ilusión o club de lectura O Faladoiro.

Cunha periodicidade practicamente mensual, encontrámonos un grupiño de 8 alumnas e alumnos de 1º e 4º da ESO e a coordinadora da biblioteca para elixir e comentar as nosas lecturas.

Así, xuntámonos para compartir a nosa paixón polos libros e a lectura.

Comezamos lendo As lágrimas de Shiva, de César Mallorquí. A continuación, lemos O Principiño, de Antoine Saint-Exupéry. O último libro que comentamos, a proposta dun alumno de 1º ESO, foi La transformación de Carag, 1ª entrega da saga Woodwalkers, de Katya Brandis, no que nos introducimos no universo dos seres metamórficos, que habitan ao mesmo tempo o mundo humano e animal.

O Faladoiro Maior: Engurras

O pasado luns, día 10 de decembro, tivo lugar na biblioteca do centro a reunión do club de lectura O Faladoiro Maior, para comentar o libro Engurras, de Paco Roca.

O tema do libro, o alzheimer, deu pé para abordar a situación dos nosos maiores que , á marxe de enfermidades mais ou menos discapacitantes, vense ás veces relegados a residencias onde a falta de cariño e a ausencia do seu entorno físico e humano convértense no seu maior problema.

O individualismo que, cada vez máis, caracteriza a nosa sociedade fai que as persoas máis necesitadas de afecto –os maiores, pero tamén, nalgúns casos, os nenos- queden cada vez máis esquecidos.

 

E ademais de comentar o libro deste trimestre e compartir galletas e pastas, grazas á xenerosidade de nais e docentes, que a todo deu tempo, eliximos a lectura para o próximo, Tardes con Margueritte, da escritora francesa Marie-Sabine Roger, unha historia sobre o amor á lectura que comentaremos o  luns 28 de xaneiro ás 17.00.

http://www.que-leer.com/1760/marie-sabine-roger-tardes-con-margueritte.htmlImage

 

 

Navegación de artigos