bibliomontecarrasco

Información xeral da Biblioteca

Arquivo para a categoría “INICIO”

Consulta o noso catálogo

Desde este enlace poderás consultar o noso catálogo para solicitar o libro que desexes ler. Fai a busca escribindo o nome do autor ou o título do libro, e anota o número de rexistro, tendo en conta que non estea xa emprestado.

Catálogo IES Monte Carrasco – MEIGA

Despois só tes que enviar un correo electrónico ao seguinte enderezo:

emprestitocarrasco@gmail.com

indicando quen es, o teu número de carné de lector, o título do libro solicitado para o empréstito e o número de rexistro deste exemplar. Unha vez formalizado o proceso farémosche entrega do libro á maior brevidade posible no punto de entrega da Biblioteca, sinalado para tal fin na entrada principal do instituto. Lembra que temos dous recreos para este fin, o do mércores e o do xoves!

Nese mesmo enderezo podedes facer consultas e suxestións que estaremos encantados de escoitar e atender, sempre que sexa posible.

Saúde!

Estamos de volta!

Despois de cinco longos meses sen asomarse ao mundo dende a fiestra da nosa biblioteca, e de case dez refuxiados no interior dun sinfín de páxinas non buscadas, estamos de regreso… E non son poucas as novidades que este novo espazo-tempo nos está obrigando a asumir a paso apurado, non sempre pousándose na beira máis cómoda do camiño. Polo de pronto, a nosa querida biblioteca, repeinada e en proceso de renovación funcional e estética, ten que mudarse para deixar sitio ás medidas de protección colectiva contra o bicho que veu estragalo todo na pasada primavera.

Mudarse non significa marchar. Seguimos, doutra maneira, co respirador conectado, para non entrar en estado crítico, pero vivos. Segue o noso fondo bibliográfico a medrar, aínda que agora teredes que consultalo na rede para saber as novidades que van chegando, e as vellas glorias que están ao voso dispor para un empréstito pracenteiro de lectura e aprendizaxe. Non deixedes de vir, aínda que as formas cambien. As visitas virtuais teñen algo de máxico, e aquí agardámosvos cos brazos e as páxinas abertas, coma sempre, para facilitarvos toda a nosa axuda.

Estamos a actualizar títulos na nosa Biblioteca Inclusiva, tamén nos fondos audiovisuais incorporamos novidades, e estamos desexosos de oír todas as vosas propostas, sempre moi benvidas, para construír o noso bibloespazo favorito.

Así que aquí vos agardamos, un novo curso, para que non falte nada. Permanecede atentos e atentas ás vosas pantallas, onde iremos debuxando as novas instrucións para os empréstitos. Alí tamén aparecerá o enderezo de correo electrónico onde teredes que solicitar os libros que queredes ler, e os prazos e lugares de entrega, e onde estaremos felices de recibir as vosas suxestións, consultas, e toda a vida da nosa Biblioteca.

De novo no camiño. Coidádevos, coidádeme.

Sempre vosa, a Biblioteca.

NOVA LECTURA

El príncipe y la modista, da escritora e ilustradora Jen Wang (Editorial SAPRISTI) é unha novela gráfica na que se oculta un segredo inconfesábel…

Un comic que se le moi fácil sobre a busca da identidade dun adolescente, nun escenario de príncipes, princesas… onde non todo é o que parece.

FELIZ LECTURA!

Modista12 (1)

Engadir unha lenda

 

Suxestión de lectura

UN HIJO, de Alejandro Palomas. La Galera Editorial.UN_HIJODeixámosvos aquí unha excelente idea para pasar un par de tardes.

Un rapaz introvertido, apaixonado pola lectura, cunha gran imaxinación… e cunha única amiga.

Un pai en crise, unha nai ausente, unha profesora preocupada e unha psicóloga que intenta encaixar as pezas do crebacabezas.

Unha novela que nos fai sentir, que nos estremece coa súa mestura de tristeza, alegría, tenrura, medo…

GOZADE DELA!

DÍA DO LIBRO

Todos temos un recuncho favorito para iniciar as nosas viaxes imaxinarias… Mesmo nos tempos do confinamento.

COLLAGE

MAIOS PARA O CONFINAMENTO

NON QUEREMOS QUEDAR SEN MAIOS!

Xa que non podemos festexalos fóra, aquí vos queda unha cita para celebralos  doutro xeito, máis acorde coa situación actual. De seguro que resultará unha interesantísima experiencia.

ANIMÁDEVOS A PARTICIPAR!

IMG-20200420-WA0004

LUZ POZO GARZA

“Os vieiros que me levan

persisten na acordanza dunha historia

única. “

Luz Pozo Garza: Códice Calixtino

Unha das últimas integrantes da Promoción de Enlace, Luz Pozo Garza, acaba de marchar. Testemuña das vicisitudes do país durante case un século soubo dar á súa poesía a luminosidade e a música que faltaban na sociedade na que naceu e medrou.

Quédannos para sempre os seus versos.

Falece a poeta Luz Pozo Garza

A Biblio non se detén co Confinamento

A nosa Biblioteca quérevos ofrecer, para estas longas xornadas de introspección, unha serie de sitios nos que seguir en contacto activo coa cultura da palabra.

Botádelle unha ollada a esta pequena escolma e navegade con soltura por mares de todos os continentes, sacando o maior proveito da aventura da lectura… e tamén do teatro, grazas ás ofertas en aberto que nos permiten gozar de balde de moitas obras que noutras circunstancias non están dispoñibles sen pasar por caixa.

Que os ventos sexan propicios, mesmo na casa.

Velaí as nosas propostas:

Nós Diario fai unha escolma moi útil de sitios nos que mergullarse para engancharse na nosa cultura.

https://www.nosdiario.gal/articulo/cultura/10-propostas-galego-balde-ler-encerro/20200326141708093912.html

AULAS GALEGAS é un portal educativo creado por profesorado entusiasta con multitude de propostas para non aburrirse.

https://aulasgalegas.org/

Un espazo da Biblioteca Virtual Miguel de Cervantes para a lingua galega.

http://www.letrasgalegas.org/

O sitio do Ministerio de Cultura e Deporte para as Bibliotecas Dixitais.

http://www.culturaydeporte.gob.es/cultura/bibliotecas/bibliotecas-digitales.html

A Biblioteca Miguel de Cervantes Virtual

http://www.cervantesvirtual.com/

Biblioteca Dixital Mundial. Sorprenderaste do que podes atopar aquí!

https://www.wdl.org/es/

O sitio do Proxecto Gutenberg, non hai excusas para non visitalo.

http://www.gutenberg.org/

Neste enlace poderás descargar libros dixitais.

http://es.feedbooks.com/books

Este é o sitio do Teatro con maiúsculas. Deixádevos levar…

http://teatroteca.teatro.es/opac/#indice

ROSALIÁNDONOS

Rosalía e poesía van unidas, igual que Rosalía e muller. No Carrasco vimos de celebralas xuntas nun recital poético e reivindicativo, do que deixamos mostras gráficas.

IMG_0453

IMG_0451IMG_0455IMG_0462IMG_0463IMG_0469

ENTROIDO 2020

UNHA CELEBRACIÓN DE PELÍCULA!

Velaí as imaxes da nosa festa de Entroido deste ano. Sobran as palabras…

DSC_0244 (2)DSC_0220DSC_0204 (2)DSC_0252DSC_0402DSC_0285DSC_0228DSC_0192 (2)

Navegación de artigos