bibliomontecarrasco

Información xeral da Biblioteca

Arquivo para a categoría “INICIO”

O FALADOIRO

Bota a andar o club de lectura pequeno (por idade, non por número), cunha notoria afluencia de lectores e lectoras dispostas a devorar historias cheas de aventuras, emocións e momentos inesquecibles. Na primeira xuntanza demos oído ás propostas dos entusiastas participantes e, tras unha ardua deliberación, chegamos á conclusión de que cómpre facer dous grupos, tal foi o número de asistentes e a diversidade temática. Deste xeito reunirémonos cada grupo en martes alternos, á hora do lecer, para poñer en común a nosa experiencia lectora.

Comezaremos co libro Os corpos invisibles, de Emma Pedreira para o grupo veterán, e A evolución de Calpurnia Tate, de Jacqueline Kelly para os demais, segundo as súas preferencias.

O Faladoiro convida a tódolos membros da comunidade educativa a participar activamente nestas convocatorias. Segue aberto o prazo para incorporarse, e non se pechará mentras haxa alguén interesado en traspasar a porta…

 

RADIO LABIRINTO XA ESTÁ AQUÍ!

Ei, siareiros:

A Radio Escolar do noso instituto xa está aquí. Está a emitir regularmente nos tempos de lecer, e unha morea de voces están a xurdir dos altofalantes que habitan os nosos corredores… Temas novos, temas vellos, música, participación, conversas, relatos, realidade e ficción a partes iguais para afondar no que máis nos gusta, vivir!

Deixamos a continuación o enlace para que poidades visitala, facer descargas de contido e, sobre todo, suscribirvos, para que non quede nin un programa sen escoitar. Todos pagan a pena…. Valos perder?

RADIO LABIRINTO

 

BENVIDA

Comeza un novo curso no Monte Carrasco. As engranaxes da lectura aínda están enferruxadas polo salitre do verán, pero xa queren espertar. Estamos onde sempre, rodeados dos libros expectantes agardando a voráxine lectora que active a imaxinación e os praceres de verse envoltos en mundos apaixoantes e sedutores, para deixarnos levar…

Dámosvos a benvida, a todos e todas, e convidámosvos a ser parte da nosa biblioteca en tódolos seus recunchos: lectura, investigación, lecer, estudo, radio… O noso mundo!!

Vide mirarvos nel!

 

V CONCURSO LITERARIO IES MONTE CARRASCO

Dende a Biblioteca do noso centro volvemos convocar o V Concurso Literario do IES Monte Carrasco. Convidámosvos a participar activamente cos vosos relatos e versos.

Velaí as bases e os prazos. Non deixedes pasar a ocasión de amosar as vosas capacidades creativas. Teñen premio!!

concurso literario 2019

DÍA DO LIBRO 2019

Mañá mércores 24, o alumnado de 3º e 4º participará nun encontro cun experto en libros que nos falará da interesante relación entre banda deseñada, cine e narrativa. Trátase dun enfoque novidoso, e esperamos que atractivo, para un achegamento diferente ó mundo da literatura.

libros.jpg

Día da Ilustración 2019 – Homenaxe a Federico Ribas

Deixámosvos un par de interesantes apuntamentos sobre a celebración desta xornada que homenaxea este ano a Federico Ribas, recoñecido ilustrador que tivo cercana presencia na comarca por ter deseñado fermosas campañas gráficas para a industria conserveira “Massó”. Convidámosvos a que vos acheguedes á súa obra nestas páxinas e en futuras visitas ao Museo Massó en Bueu.

Día da Ilustración 2019

Federico Ribas

 

Enleados

Na procura de lectores e lectoras…

Velaí o noso reclamo…

Déixate levar!

dav

 

Na procura de…

Vai empezando o tempo de ler. Ben…, sabemos que o tempo de ler nunca remata, pero xa está aberto O Faladoiro, o noso club de lectura, esperando pola nosa participación. Prestade atención ás pistas que irán aparecendo na contorna do Carrasco nos próximos días se queredes saber máis.

Deixádevos atrapar polo misterio, a intriga e a emoción.

Xuntámonos no primeiro recreo dos martes na aula de desdobres 3.

Abride ben os ollos… e os oídos… e a mente…  Vide sen medo!

A nosa Biblioteca

Traballo do alumnado de Investigación e Tratamento da Información (ITI) 2017

Eduardo Mendoza: Premio Cervantes 2016

eduardomendoza

Navegación de artigos