bibliomontecarrasco

Información xeral da Biblioteca

Arquivo do mes “Abril, 2014”

Por fin, despois de varios aprazamentos debidos a diversas causas,puidemos celebrar a reunión do club de adultos. E a verdade é que mereceu a pena esperar.

Como xa se informou no seu momento, a obra elixida para esta ocasión foi a antoloxía poética Novas_de poesía. 17 poetas, na que se nos ofrece unha interesante mostra da poesía galega máis recente.

Para compartir as nosas impresións contamos coa presenza da poeta Lucía Novas, autora de cinco dos poemas da obra. O encontro converteuse así nunha interesantísima e amena conversa sobre a creación literaria, os sentimentos que a estimulan, a inspiración, os hábitos de cadaquén á hora de poñerse a escribir…

Image

E como próxima lectura, propoñémosvos Os fíos, de Xurxo Sierra Veloso, unha historia, ou tres historias, nas que as vidas de tres personaxes se enlazan por casualidade, por azar, por decisións con consecuencias imprevisibles que fan que a vida moitas veces non a decidamos nós.

A cita será o 4 de xuño.

Advertisements

Navegación de artigos