Momo no cine

O martes 26 teremos reunión do club de lectura de alumnas e alumnos para comentar o libro que eleximos, Momo, de Michael Ende.

A historia dos homes grises foi levada ao cine en dúas ocasións. A máis recente é unha película de animación italiana Momo, unha aventura a contrarreloxio (2001), dirixida por Enzo D´Aló. Este é o seu trailer e tamén podedes atopala completa en youtube.

A outra adaptación máis antiga, está rodada en Alemaña, país natal de Michael Ende, con actores de carne e óso e é máis fiel ao orixinal. Momo presentouse en 1986, aproveitando o gran éxito que tivera a adaptación da outra gran obra de Ende, A historia interminable.

Podedes comparalas entre sí e tamén coa nosa novela. Vémonos o martes.

Advertisements

O club da calceta

Para comezar a andaina deste ano e, en consonancia con outras actividades do centro, eliximos para o primeiro trimestre O club da calceta, de María Reimóndez.

Publicada en 2007, a novela reúne a un grupo de mulleres da máis diversa procedencia e, aparentemente dispares, que se xuntan no local dunha asociación veciñal para calcetar, e mentres o fan, van entretecendo as súas vidas e mostrando as súas frustracións e as súas miserias.

A xuntanza para comentar a obra celebrarémola o día 4 de decembro. A ver o que dá de si.

Animádevos a lela.