bibliomontecarrasco

Información xeral da Biblioteca

Arquivo do mes “Xaneiro, 2012”

BENEFICIOS DA LECTURA

Que ler é bo, sabémolo todos. Todos apostamos pola lectura, pero por se alguén aínda non ten claro o motivo polo cal a lectura beneficia seriamente a saúde, aí vos van uns cantos argumentos que poden axudarvos a defender dita tese. Navegando, no http://clublecturacoruna.wordpress.com, atopamos o seguinte:

100 beneficios da lectura (tirados dun documento de Carlos Alberto Sánchez Velasco):

A lectura mellora a visión das cousas e permite ver o que antes nunca se vira.

A lectura é dinamita pura para a imaxinación.

A lectura permítenos estar sempre acompañados, aínda que tamén respecta a nosa soidade.

A lectura dótanos das palabras para expresar os nosos sentimentos, emocións, crenzas.

A lectura é algo que podemos facer en todas partes.

 

Se queredes coñecer os 95 motivos máis que argumenta Carlos A. Sánchez, podedes consultar o documento no seguinte enlace:

http://es.scribd.com/jalalaldinrumi/d/19148114-100beneficiosdelalectura

 

Advertisements

O LEGADO CELTA

VOANDO COS LIBROS

Logo de ver o seguinte vídeo, xa me contaredes se non morredes de envexa! Que faríamos sen os libros!

AS UVAS DA IRA, de John Ford

Só un mestre do cine como John Ford puido traernos o gran relato sobre a “Gran Depresión”. En torno ao libro de John Steinbeck, que relata o camiño do Tom Joad(Henry Fonda) e a súa familia ao longo de todo o país, fuxindo da pobreza, buscando a terra prometida, California. Grazas a esta viaxe,  irán descubrindo, ao longo do camiño, a realidade da depresión.

http://www.youtube.com/watch?v=_M8PoZiOdp8

FANTASMAS DE LUZ, de Agustín Fernández Paz

Unha proposta para ler é esta última novela de Agustín Fernández Paz, do cal vos deixamos un vídeo, onde dá argumentos suficientes para achegarnos á súa lectura.

COMPARTINDO A LECTURA DE PERSÉPOLE

Mañá, luns 16 de xaneiro, teremos a xuntanza de O Faladoiro Maior. A ver que vos pareceu a novela gráfica de Marjiane Satrapi.

Para ir abrindo boca, déixovos o comentario dunha lectora que mañá non poderá acudir á cita (por suposto, debido a unha boa causa):

“Xa rematei Persépole e que saibades que me encantou; en concreto gustoume moito a maneira de expresar sensacións e experiencias persoais marcados pola idade da prota en cada momento -ata chegar á madurez do final do libro- e sobre todo a forza expresiva do debuxo -pese a ser en branco e negro, salvo na portada-que me recorda moitísimo a un pintor clave do expresionismo de comenzos do século XX como é Kirchner; aí van dúas imaxes da súa obra para que comparedes coa de Satrapi e a ver se coincidides comigo”.

Rocío Alonso

                                                   

Ernst Ludwig Kirchner foi un pintor alemán, un dos máximos expoñentes doexpresionismo e principal impulsor do grupo alemán Die Brücke (‘A ponte’).

En obras como Autorretrato con modelo (1907Hamburgo), as súas liñas marcadas e as súas cores desentoadas crean un sentido de emoción violenta. O seu interese pola arte primitiva viuse reflectida tanta na súa obra como nos mobles e murais que fabricou para o estudio que compartía con Heckel nunha antiga carnicería do barrio obreiro.

http://gl.wikipedia.org/wiki/Ernst_Ludwig_Kirchner

Ernst Ludwig Kirchner: “El harén” (1906). Valuz. 

A alteración das formas das figuras, o recurso a cores intensas, nos que o negro ocupa un destacado papel e, sempre, a idea de que a pintura ha de servir para dar unha vía de expresión á emocións, sobre todo ás máis desgarrradoras, forman parte do estilo expresionista.

http://aprendersociales.blogspot.com/2007/05/la-pintura-expresionista.html


Navegación de artigos